Нийгмийн эрүүл мэнд болон эмнэлгийн тусламж үйлчилгээний чанар хүртээмжийг нэмэгдүүлж хэнийг ч орхигдуулахгүйгээр хүн амын эрүүл мэндийг сахин хамгаалж, дундаж наслалтыг нэмэгдүүлэхэд оршино.
Монгол Улсын Засгийн газар, Аймгийн засаг даргын мөрийн хөтөлбөрт эрүүл мэндийн талаар тусгагдсан зорилтуудыг хэрэгжүүлж, тусламж үйлчилгээний хүртээмж чанарыг сайжруулах ажлыг орон нутагт удирдан зохион байгуулах. Нэгдсэн эмнэлэг, сум, тосгон, өрхийн эмнэлгийн бүтэц үйл ажиллагааны стандартын дагуу эмнэлгүүдийг боловсон хүчин нэн шаардлагатай байгаа багаж хэрэгсэл, тоног төхөөрөмж, эм урвалж бодисоор хангах ажлыг зохион байгуулах. Нийгмийн эрүүл мэндийн тусламж үйлчилгээний хүртээмж чанарыг сайжруулж, товлолт дархлуужуулалтад хүүхэд бүрийг хамруулан, халдварт болон халдварт бус өвчинтэй тэмцэх, сэргийлэх ажлыг сайжруулах. 0-5 насны хүүхэд, жирэмсэн эхчүүдэд үзүүлэх тусламж үйлчилгээ, хяналтын чанарыг сайжруулж, өвчлөл эндэгдлийг бууруулах. Эрүүл мэндийн арга хэмжээний төлөвлөгөөнүүдийг хэрэгжүүлэхэд төрийн ба төрийн бус байгууллага, аж ахуй нэгж байгууллагууд болон гаднын төсөл хэрэгжүүлэгч байгууллагатай хамтран ажиллах.
