Эрүүл мэндийн тусламж, үйлчилгээний чанар, аюулгүй байдал, хүртээмжийг нэмэгдүүлэх чиглэлээр бодлого боловсруулж, хэрэгжилтийг хангахад онцгой анхаарна.
“Алсын хараа 2050”, Монгол Улсын урт хугацааны хөгжлийн бодлого, “Шинэ сэргэлтийн бодлого”, Эрүүл мэндийн яам, аймгийн Засаг даргын 2024-2028 оны үйл ажиллагааны хөтөлбөр төлөвлөгөөний дагуу Сэлэнгэ аймгийн Эрүүл мэндийн газар эмнэлгийн тусламж үйлчилгээний чанар, хүртээмжийг нэмэгдүүлэх “Бүсчилсэн хөгжлийг дэмжиж төвлөрлийг сааруулах, лавлагаа шатлалын эмнэлэгт хийгдэж буй эмнэлгийн тусламж үйлчилгээг орон нутагтаа нутагшуулах" зорилго агуулгын хүрээнд 3 чиглэлийн хүрээнд 21 ажил, арга хэмжээг бодлого болгон боловсруулж, хэрэгжүүлэхээр ажиллаж байна.
Дээрх бодлого чиглэлийн хүрээнд аймгийн Эрүүл мэндийн газрын дарга Ж. Одын ахалсан ажлын хэсэг Эрүүл мэндийн яам болон төрөлжсөн лавлагаа шатлалын эмнэлгүүдтэй хамтарч ажиллах талаар 2025 оны 03 сарын 12, 13-ны өдрүүдэд Улаанбаатар хотноо ажиллаад ирлээ. Тодруулбал, Эрүүл мэндийн яам, Эрүүл мэндийн хөгжлийн төв, Улсын Нэгдүгээр төв эмнэлэг, Хавдар судлалын үндэсний төв, Гэмтэл согог судлалын үндэсний төв, Эмгэг судлалын үндэсний төв, Эх хүүхдийн эрүүл мэндийн үндэсний төв, Анагаахын Шинжлэх ухааны үндэсний их сургууль зэрэг найман байгууллагуудын удирдлагатай уулзалт хийж орон нутагт тэр дундаа эрүүл мэндийн салбарт тулгамдаж байгаа асуудал, хамтын ажиллагааг хэрхэн өргөжүүлж үр дүнд хүргэх талаар санал солилцож, үр дүнд хүргэхээр ажил хэргийн уулзалт зохион байгуулж ажиллалаа.
Уулзалт ярианы үр дүнд өмнө нь орон нутагт хийгдэж байгаагүй эмнэлгийн тусламж үйлчилгээг ард иргэдэд хэрхэн ойртуулах, тусламж үйлчилгээний цар хүрээ нэмэгдэх бөгөөд төвлөрлийг сааруулах, Улаанбаатар дахь лавлагаа шатлалын эмнэлгүүдийн ачаалал, чирэгдэл хэрхэн буурах, мөн иргэд харьяаллын дагуу орон нутагтаа шаардлагатай бөгөөд чанартай тусламж үйлчилгээг цаг алдалгүй авдаг болох зэрэг лавлагаа шатлалын эмнэлэгт үүсэх ачааллыг бууруулж, хөдөлгөөний урсгалыг багасах, тусламж үйлчилгээний чанар, хүртээмжийг нэмэгдүүлэх давуу талтай юм
.png)
