Сургалтаар төслийн зорилтот өрх, сумын эрүүл мэндийн төвийн эмч, эмнэлгийн ажилтанд "Хүүхдийн хэл засал", "Сэргээн засах тусламж үйлчилгээ, хөдөлгөөн засал"-ын ерөнхий ойлголт өгөх, чадавхижуулах зорилготой.
Орон нутагт нэн хэрэгцээ шаардлагатай хэл яриа болон хөгжлийн бэрхшээл, сэргээн засах тусламж үйлчилгээний талаар ойлголт өгч, хэл ярианы бэрхшээлтэй хүүхэд, түүнийг илрүүлэх үнэлгээний арга аргачлалыг зааж, сэргээн засах чиглэлээр хүүхэд болон эцэг эхчүүдэд зөвлөгөө мэдээллээр хангаж буй Японы хүүхдийг ивээх сангийн чадварлаг баг хамт олонд талархал илэрхийлье.
Жич: Эцэг эхчүүд бид хүүхдүүддээ тавих анхаарал халамжаа нэмэгдүүлэх, хүүхдийн чадамжийг сайжруулах ганцаарчилсан болон бүлгийн олон төрлийн сургалтанд хамруулах, гурил зуурах, хоол хийх энгийн дадлуудад сургах, дасгал хөдөлгөөн хийлгэж хөдөлгөөний хомсдлоос сэргийлэх, ингэхдээ орчныг бүрдүүлж, хүүхдийг түүнд дурлуулан сэдэлжүүлэх арга аргачлалыг эрж хайж хэрэгжүүлэх нь хамгийн чухал юм.
