Сэлэнгэ аймагт гурван яамны хамтарсан тушаалын хүрээнд “Бага насны хүүхдийн цогц хөгжил” сэдвээр хоёр өдрийн сургалт зохион байгуулагдаж байна.
МУ-ын Боловсрол, шинжлэх ухааны сайд, Эрүүл мэндийн сайд, Хөдөлмөр нийгмийн хамгааллын сайдын хамтарсан тушаалаар Сэлэнгэ аймгийн Хүүхэд, Гэр бүлийн хөгжил, хамгааллын газар /ХГБХХГ/-аас зохион байгуулж буй “Бага насны хүүхдийн цогц хөгжлийг дэмжих арга хэмжээ (2023-2026)”, “Бага насны хүүхдийн цогц хөгжлийг дэмжих арга хэмжээг хэрэгжүүлэх үйл ажиллагааны төлөвлөгөө” зэрэг хууль тогтоомжийн хэрэгжилтийг хангах ажлын хүрээнд болж байгаа сургалтад аймгийн Эрүүл мэндийн газар “Бага насны хүүхдийн эрүүл мэндийн урьдчилан сэргийлэлт, дархлаажуулалт мөн Бага насны хүүхдийн зохистой хоол тэжээл” сэдвээр сургалт мэдээлэл өгч ажиллалаа. Хоёр өдөр болох сургалт арга хэмжээнд манай аймгийн сургуулийн өмнөх боловсролын 39 байгууллагын 42 арга зүйч багш нар хамрагдаж байна.
Бага насны хүүхдийн цогц хөгжилд оролцогч талуудын мэдлэг, мэдээллийг нэмэгдүүлэх, хүүхдийн хөгжил, хамгааллын асуудлаар арга зүйн дэмжлэг үзүүлэх сургагч бэлтгэхэд энэ удаагийн сургалтын зорилго оршиж байгаа ажээ.
Энэ удаагийн сургалтын зохион байгуулагч байгууллагаар аймгийн ХГБХХГ ажиллаж, аймгийн ЭМГ, Боловсрол шинжлэх ухааны газар, магадлан итгэмжлэгдсэн Сургуулийн ажилтны нийгэмлэг, “Хайрын шүхэр”, “Бор тагшны бодол” ТББ-ууд сургалт мэдээллээр хангаж амтран ажиллаж байна.
