Жил бүрийн нэгдүгээр сарын эхний долоо хоногт бүх шатны эрүүл мэндийн байгууллагууд болон тусгай зөвшөөрөлтэй үйл ажиллагаа явуулж буй хувийн хэвшлийн эрүүл мэндийн байгууллагуудын бүтэн жилийн үйл ажиллагаатай холбоотой тайлан мэдээлэл тодруулбал, хүний нөөц, эмнэлгийн тусламж үйлчилгээ, санхүүгийн тайлан зэрэг тухайн байгууллагын мэдээ тайланг хүлээн авч нэгтгэхээр 2025 оны 01 дүгээр сарын 04-ний өдрөөс 01 дүгээр сарын 09-ний өдрийг хүртэл эрүүл мэндийн тусламж үйлчилгээ явуулах тусгай зөвшөөрөл бүхий байгууллагууд аймгийн Эрүүл мэндийн газарт бүсчилсэн хуваарийн дагуу тайлан мэдээллээ өгч байна.
Тайланг Эрүүл мэндийн сайдын 2019 оны “Эрүүл мэндийн салбарын статистик мэдээ, мэдээллийн журам, бүртгэлийн маягтыг шинэчлэн батлах тухай” А/611 дүгээр тушаалын дагуу аймгийн Эрүүл мэндийн газрын даргын 2024 оны 12 дугаар сарын 24-ний өдрийн А/73 тушаалаар сумдын тайлант мэдээг хүлээн авч, асуудал мэдээлэл хариуцсан мэргэжилтнүүдэд мэргэжил аргазүйн зөвлөн туслах үйлчилгээ үзүүлж ажиллана.
Бүсчилсэн хуваарийн дагуу 01 дүгээр сарын 04-нд Хөтөл, Баруунбүрэн, Орхонтуул, Сант, Орхон, Номгон, Рашаант зэрэг өрх, сум, тосгоны эрүүл мэндийн төвүүд өгч эхэлсэн бол
01 дүгээр сарын 05-нд Ерөө, Бугант, Хүдэр, Жавхлант, Хушаат, Номтхан, Эмнэх
01 дүгээр сарын 06-нд Алтанбулаг, Шаамар, Зүүнбүрэн, Цагааннуур, Түшиг, Дулаанхан зэрэг өрх, сум, тосгоны эрүүл мэндийн төвүүд
01 дүгээр сарын 07-нд Баянгол, Түнхэл, Хэрх мөн Мандал сумын Нэгдсэн эмнэлэг, Хараа манал, Үйлст эмнэхүй, Ачит амирлуулагч ӨЭМТ-үүд
01 дүгээр сарын 08-нд аймгийн Нэгдсэн эмнэлэг, Хилийн цэргийн 0101, 0243-р анги, ШШГГ-ын 433, ШШГГ-ын 413-р анги, хувийн эмнэлгүүд мөн хувийн лаборатори, хувийн эмийн сан, сувилал, ариутгал, ЗӨСТ, Төмөр замын эмнэлэг зэрэг төр болон хувийн хэвшлийн эрүүл мэндийн байгууллагууд дээрх хуваарийн дагуу өгч, нэгтгэх ажил үргэлжилж байна.
