Сэлэнгэ аймгийн Эрүүл мэндийн газрын даргын үүргийг түр орлон гүйцэтгэгч, Улсын ахлах байцаагч У.Энхбат, Нийгмийн эрүүл мэндийн төвийн мэргэжилтэн С.Эрдэнэтуяа, Ш.Отгонтуяа, Эмнэлгийн тусламж үйлчилгээний мэргэжилтэн Э.Мөнхсүлд нар 2025 оны 8-р сарын 18-ны ням гарагт "Эрдмийн жим" сургалтын танхимд сургалт зохион байгууллаа. Сургалтад Сэлэнгэ, Дархан-Уул аймгийн CU салбар дэлгүүрийн 40 ажилтан хамрагдсан.
"Худалдааны газрын эрүүл ахуйн нөхцөл шаардлага", "Сэтгэцийн эрүүл мэнд ба харилцаа хандлага", "Нийгмийн эрүүл мэндийн тулгамдаж буй асуудал" сэдвээр илтгэл тавьж, харилцан ярилцлаа.
Мөн анхны тусламж үзүүлэх, яаралтай арга хэмжээ авах талаар зөвлөгөө өгч, хамтран дадлага хийсэн. Сургалт маш үр дүнтэй болж өнгөрлөө гэж CU салбар дэлгүүрийн удирдлагын багаас Сэлэнгэ аймгийн ЭМГ-ын хамт олонд талархал илэрхийллээ.
