Алтанбулаг суманд 1921 онд Ардын хувьсгал ялан мандаж, ЗХУ-аас уригдан ирсэн эмч И.Кузьмины удирдлага дор шинэ цагийн эмнэлгийн анхны суурь тавигдсан нь одоогийн Сэлэнгэ аймгийн Алтанбулаг сумын “Хүн эмнэлэг” юм. Тус хөдөөгийн хүн эмнэлэгт олон арван эмч, сувилагч, тусгай мэргэжилтнүүд ажиллаж байснаас хамгийн олон жил буюу 30 гаруй жил тус эмнэлэгтэй ажил амьдралаа холбож, нутгийн ард олны дунд “Их эмч” хэмээн хүндлэгдэж ирсэн Алтанбулаг сумын "Улаан бургас" хэмээх газарт төрж өссөн Ламжавын Цэрэнханд эмчийн гэгээн дурсгалыг хүндэтгэн, аймгийн Эрүүл мэндийн газар, сумын Эрүүл мэндийн төв хамтран 07 дугаар сарын 04-ний өдөр “Ачит эмч тандаа баярлалаа” хүндэтгэлийн үйл ажиллагааг зохион байгууллаа.
Үүнд: Нэгдсэн эмнэлэг болон Сант сум мөн Мандал сумын Хэрх тосгоны ЭМТ-ийн нарийн мэргэжлийн эмч нар дотор, зүрх судас, хүүхэд, сэтгэц, мэдрэл, хэвлийн ЭХО)-ын бүрэлдэхүүнтэй үзлэг, оношилгоог 292 иргэнд үйлчилгээ үзүүлсэн бол тус эрүүл мэндийн төвийн ахмад ажилтнууд мөн одоо ажиллаж буй эмч эмнэлгийн мэргэжилтнүүд Л.Цэрэнханд эмчийн үр хүүхэд сумын эрүүл мэндийн төвийн гадна талбайд мод тарьж, “Ачит эмч тандаа баярлалаа” хүндэтгэлийн арга хэмжээг соёлын төвд зохион байгуулсан ба их эмчтэй холбоотой, эд зүйлс болон фото зургаар үзэсгэлэн гарган, их эмчийн тухай дурсамжит яриаг өрнүүлэн хүндэтгэл үзүүлэн ажиллалаа.
